قصيدة عن عيد الحب

[قالت علامك غايب(ن)لك يومين
وش أخرك ماجيت ياابن الحموله


ما تدري أنه أمس عيد المحبين
واحتفلوا العشاق في كل دولـه


الظاهرأنك ما تعـرف القوانيـن
والحب يابن الناس تجهل أصوله


الناس فرحانه بعيـد الفلنتين
وانا لحالي أسهرالليل طولـه


تلعب بي الأفكار يسار ويمين
معقول تنساني بهذي السهولـه


انته تعرف اني أحبك من سنين
حبك بقلبي من سنين الطفولـه


قلت العفو يا سيد كل المزاييـن
عساك ما انتي يا حياتي مهبوله


أي عيد هذا اللي عنـه تقولين
الدين واضح بينـاتٍ فصولـه


اللي نعرفه بالسنه فيه عيدين
بانت بشرع الله وسنة رسولـه


خلي أعياد الغرب يابنت تكفين
تقليدهم مـا فيه عز وبطوله


ابي أنهي الموضوع وأختم بيتين
خلك معايه واسمعي ويش أقوله


انتي ترى مسكنك في داخل العين
ومكانتك باالقلب ما احدٍ يطولـه


واللي أعرفه بالسنه فيه عيديـن
وثالث أعيادي شوفتك يا مهبوله