فلسطينيه بس ما مرت عليكم هالمصطلحات ههههههههه

لااااامات ... شو عاملين
بماانا فلسطينيه تعو نستعرض قاموسنا الحلو العامي يلاااا
القفو...
*
*
[ندعوك للتسجيل في المنتدى أو التعريف بنفسك لمعاينة هذه الصورة]
بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) شحبر يا بابور الكاز

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه
ونجك حالك = يعني زبط حالك


روق يا ضاوي = يعني وحد الله يا مجنون ههههههههههه
على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب

يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة

كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = بالمصرى حله هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط
الخوصة = السكين

شرشف = ملاية

جربان = شراب ( في الرجل بلبسوه )

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكمو = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مستهلسكو = يعني مش معبركو

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة

بنكش راس= بمزح

أنطي = معلمه =أبلة

عرسة= فأر كبير


أتمنى يعجبكو القاموس المأخوذ من التراث ههههههه[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه
كان نفسي الاقى كلمة هكواك بس ما لقيتها
يسلمو ندى الايام على الموضوع المميز
دمتى مبدعة ومتالقة
تحياتى ليكى

<p class="MsoNormal" dir="RTL" style="text-align:center;tab-stops:
248.05pt" align="center">



شموخ انسان
اميرة الحب<p class="MsoNormal" dir="RTL" style="text-align:center;tab-stops:
248.05pt" align="center">naheel

مرسي ع المرور الرائع
يعطيك الف عافيه يارب
والله لا يحرمنا من جهودكم
في انتظار جديدك المميز
دمتم بسعآده مدى الحياة

هههههههههههههههههههه


أنطي = معلمه =أبلة
هاي حكتها طالبة عنا بالجامعة لدكتورة هههههه
أل بتقلها انطي بتفكر حالي بروضة البنت
ههه

يسلموا ندوش علي الطرح