تمساح وسحلية مخطوبان

التمساح: بحبك ( يا بااااااي )


السحلية : وانا كمان ( داهيه تاخدك )


التمساح : من اخر مره وانا بافكر فيكي ( يارب تغوري من وشي )


السحلية : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )


التمساح : امال فين حماتي مش شايفها يعني ( الحربايه الكبيره )


السحلية : موجوده اندهها لك ( علشان تسم بدنك )


التمساح : اه طبعا يا حبيبتي وانا اقدر استغني ( يارب تتكعبل في السجاده وهي جايه )


السحلية : ماما تعالي كلمي ( علي الله تقولك حاجه ترفع لك الضغط )


التمساح : اهلا يا حماتي ازيك ( الهي ما تكوني بخير )


الحماة : اهلا يا خطيب بنتي ( بلا نيله )


التمساح : عندي ليكو خبر حلو انا لقيت شقه ( الهي ما توعوا انتي وبنتك تشوفوها )


الحماة : الف مبروك يا حبيبي ( ياما جاب الغراب لامه )


التمساح : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )


السحلية : وماله طبعا لازم نشوفها ( اكيد قد الحق وفي منطقه معفنه )


التمساح : علي فكره يا حماتي ( جتك حمه )


الحماة : ايه يا خطيب بنتي ( خطيب الشوم والندامه )


التمساح : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )


الحماة : وماله يابني بس مش لسه بدري ( جتك نيله مستعجل علي ايه )


التمساح : ما هو خلاص يا حماتي احنا قربنا ( يا ريت ترفض علشان افركش ام الجوازه دي )


الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )


التمساح : طيب يا حماتي انا حامشي دلوقتي ( افففففف انا اتخنقت من الوليه دي )


الحماة : ماهو لسه بدري ( في ستين داهيه )


التمساح : باي يا حبيبتي ( حبك برص )


السحلية : مع السلامه يا حبيبي ( البلد اللي تودي )


التمساح : كلميني في التليفون ( يا رب يقطعوا الحراره )


السحلية: اكيد يا حبيبي ( غور بقي )