قصيده دمعت لها العين لتذيب قلب من صخر

اختصـــار القصه انه في رجال بيتزوج على زوجته ولا علمها واطاها فلوس وداها السوق تشتري على بالها ان الاعراض

تكفين يا طيور الحرار افزعيلى ,’,’, ابى عن ديار الاهل منك اخبار

تكفين حومى فوقهم وارجعيلى ,’,’, وإلا ان حصل لك حومه داخل الدار

تكفين حول بيوتهم دوريلى ,’,’, سبعة فــــروخ يوم اخليهم صـــغار

شوفى ضناى وعودى وانكفى لى ,’,’, واشلونهم يا علهم صارو كبار

نسو دفاي ونومهم في شليلي ,’,’, وش علمهم ياعلهم بطول الاعمار

وقولي لهم ان امكم لها عويلي ,’,’, خمسه سنين دمعها دووم مدرار

قولي لهم اني على طول ليلي ,’,’, أنوح وليا قرب الصبح أنهــــار

وقولي عيوني دايم لها هميلي ,’,’, تبكي ليى شافت من الناس زوار

كل يوم اقول غدى حديهم يجيني ,’,’, راحت سنيني مابهم واحد(ن) زار

وانا الي من سبت سوات الحليلي ,’,’, حالي تردى كل ماله وينهار

وفرقا ضناي الي تردت بحيلي ,’,’, كني على شوفتهم اصلي النار

ياويلي كان الله عجل رحيلي ,’,’, وانا لي سنين ابي لو انها اخبار

ياعونة الله من يبي يرتكيلي ,’,’, ليا جارت علي بأمر الله كل الاقدار

تنكروا من يدخلون الدخيلى ,’,’, واللي بوسط ديارهـــــــم يامن الجار

قولي لهم ياطيور قلبي عليلي ,’,’, الله يكافي قلوبهم صارت احجــــار

وانا اللي لبراق الخيال استحيلي ,’,’, واقــــول ياعل ديرتهم للأمطــــار

تكفين وسط ديارهم صوتيلي ,’,’, شوفي عسى لأسمي مع الناس تذكار

وقولي لمن نسيانهم يستحيلي ,’,’, ياللي نسيــــتوها ترى الوقـــت دوار

ياهيــــه ياللي بالسمــا لك هديلي ,’,’, ردي خبر تكفـــــين يكفي امـــرار

شوفي هاك اللي نومهم في شليلي ,’,’, من اذان المغرب لوقت الأسحار

شوفي هاك اللي ماتهنى في مقيلي ,’,’, إلا مقيل معهم كبـــار وصغار

وقـــولي لهـــم ان كان حملي ثقيلي ,’,’, مره يجون وعقبها شي ماصــار

وانــا يتـــولاني كريم(ن) جليــلي ,’,’, ياعلني في جنّة وسط الأبــــرار