وعدتك كتير إني عمري ماأتخلي عنك قولتلك ياما مش بألاقي نفسي غير في حضن قلبك وكنت مهما غبت عنك غصب عني ومن شوقي ليك بأرجعلك ولو غبت ثانيه عن عيوني بأسمع قلبي بيندهلك وطول فترة إنتظاري ليك ألاقي كل مافيا بيشتاقلك
لكن.. سامحني حبيبي الفراق مكتوب علينا خلينا حبيبي نبعد من غير مانجرح بعضينا القدر والظروف والدنيا جم كلهم علينا ومش هناخد من دنيتنا أكتر من إللي مكتوب لينا
وأنا مكتوب عليا أحبك وأعيش محروم من قلبك وعنيك أنا ما صدقت لقيت نفسي وبدأت أعيش حياتي بيك قلبي دايما كان يقولي أنا بدق ليه ومش ليك كان كل ما فيا حبيبي مهما عملت بيحتاج إليك
مكتوب علينا نفارق .. لكن حبيبي بإيدينا نسامح كنا دايما مع بعض حبايب .. وكنا دايما بنتصارح حبيبي اسمحلي أقولك آسف علي كل شئ كان مني ليك جارح أنا مهما طال بيا عمري حاسس إني قلبي مش هيكون لغيرك رايح هأعيش من بعدك علي أمل إني في يوم أكون ليك راجع
أمنتك حبيبي تكون دايما فاكرني وتتأكد إني فاكرك والله حبيبي غصب عني ومش بإيدي إني سيبتك سيبتك ومش عارف فين نصيبي .. لكن إتأكد إني عمري في يوم مابعتك هأفضل فاكرك بكل خير وعمري ماأنسي قلبك وطيبتك
₰ 
